Суббота 03 ноября 2018 / 21 октября 2018

Седмица 23-я по Пятидесятнице. Глас пятый.

Димитриевская (Родительская) суббота. Поминовение усопших. Прп. Илариона Великого (371-372). Перенесение мощей свт. Илариона, еп. Меглинского (1206). Сщмчч. Павлина, архиеп. Могилевского, Аркадия, еп. Екатеринбургского, и с ними Анатолия и Никандра пресвитеров и мч. Киприана (1937). Сщмч. Дамиана, архиеп. Курского (1937). Сщмчч. Константина, Сергия, Василия, Феодора, Владимира, Николая, Иоанна, Василия, Александра, Димитрия и Алексия пресвитеров, Сергия и Иоанна диаконов и прмч. Софрония (1937). Прмц. Пелагии (1944). Прп. Илариона, схимника Печерского, в Дальних пещерах (XI). Прп. Илариона Псковоезерского, Гдовского. Прпп. Феофила и Иакова Омучских (ок. 1412). Мчч. Дасия, Гаия и Зотика (303

Чтения дня

2 Коринфянам 8:1-5
Луки 7:2-10
1 Солунянам 4:13-17 (за упокой)
Иоанна 5:24-30 (за упокой)

Тропари

Прп. Илариона Великого. Тропарь, глас 8.
Слез твои́х тече́ньми пусты́ни безпло́дное возде́лал еси́/ и, и́же из глубины́ воздыха́ньми, во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Иларио́не, о́тче наш:/ моли́ Христа́ Бо́га спасти́ся душа́м на́шим.

Ин тропарь, глас 8.
Я́ко и́ноков утвержде́ние, наста́вник же гра́ждан пустынны́х,/ и чудотво́рец благода́тию Вели́кому Анто́нию подо́бяся,/ помо́щник в страсте́х бе́дствующим неотсту́пен, Иларио́не о́тче наш,/ моли́ за чту́щия святу́ю па́мять твою́.

Кондак, глас 3.
Я́ко свети́льника незаходи́маго у́мнаго тя Со́лнца,/ соше́дшеся днесь, восхваля́ем в пе́снех,/ возсия́л бо еси́ су́щим во тьме неве́дения,/ вся возводя́ к Боже́ственней высоте́, Иларио́не./ Те́мже вопие́м:/ ра́дуйся, о́тче, всех по́стников основа́ние.

Прп. Илариона, схимника Печерского, в Дальних пещерах. Тропарь, глас 1.
Вои́стину досто́йне нарече́н был еси́ Иларио́н,/ ти́хостен бо и кро́ток нрав по и́мени твоему́ имел еси́, блаже́нне,/ и́мже кро́ткому Го́споду Иису́су благоугоди́в,/ моли́ся Ему́ о нас рабе́х твои́х.

Кондак, глас 2.
Вели́кий Áнгельский о́браз и́ноческаго чи́на святу́ю схи́му я́ко прие́м,/ и второ́е отрица́ние су́етнаго ми́ра сего́ я́ко сотво́рь,/ тща́лся еси́ все́ми о́бразы, преподо́бне Иларио́не,/ обеща́ние де́лом испо́лнити/ и о́бразу свято́му прили́чие пожи́ти,/ тем тя чтим и ублажа́ем.

Перенесение мощей свт. Илариона , еп. Меглинского. Тропарь, глас 3.
Чу́до яви́вся извеще́ния,/ де́лы возсия́л еси́ доброде́телей Бо́жиих,/ мона́шествующих ли́ки упасл еси́,/ архиере́йская седа́лища изчи́стил еси́,/ ерети́ческаго же напада́ния не усумне́вся,/ це́ркви Христо́вы воздви́гл еси́,/ преподо́бне Иларио́не,/ умер, я́ко спя,/ те́ло же твое́ це́ло и нетле́нно соблюдено́ бысть,/ и подае́т цельбы́ боля́щим от разли́чных неду́г,/ и де́моны прогоня́ет,/ сего́ ра́ди мо́лим тя:/ моли́ спасти́ся душа́м на́шим.

Кондак, глас 3.
Я́ко светоно́сна яви́ся, архиере́е, па́мять твоя́,/ тьму разруши́ уны́ния и свет облиста́ даро́в Небе́сных,/ вся созыва́ющи на ра́дость,/ от Бо́га бо, Иларио́не, благода́ть обре́л еси́/ и мона́хов был еси́ степе́нь.

Прп. Илариона Псковоезерского, Гдовского. Тропарь, глас 4.
В моли́твах бо́дрствуя,/ пресве́тлый храм Ду́ха Свята́го был еси́,/ те́мже и чудотво́рец преди́вный яви́лся еси́,/ преподо́бне о́тче наш Иларио́не./ О нас моли́ Христа́ Бо́га/ све́том Боже́ственнаго позна́ния просвети́ти ны/ и спасти́ ду́ши на́ша.