Воскресенье 07 апреля 2019 / 25 марта 2019

Неделя 4-я Великого поста. Глас четвертый.
Великий пост. Разрешается рыба

Прп. Иоанна Лествичника (переходящее празднование в 4-ю Неделю Великого поста). Благовещение Пресвятой Богородицы. Преставление свт. Тихона, патрираха Московского и всея Руси (1925). Иконы Благовещения Божией Матери - Московской (XVI) и Киевской

Чтения дня

Луки 1:39-49, 56 (на утрене)
Евреям 2:11-18 (Благовещению)
Луки 1:24-38 (Благовещению)
Евреям 6:13-20
Марка 9:17-31

Тропари

Прп. Иоанна Лествичника. Тропарь, глас 1.
Пусты́нный жи́тель и в телеси́ Áнгел/ и чудотво́рец яви́лся еси́, Богоно́се о́тче наш Иоа́нне,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих ти./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исце́ления.

Кондак, глас 4.
На высоте́ Госпо́дь воздержа́ния и́стинна тя положи́,/ я́коже звезду́ неле́стную, световодя́щую концы́,/ наста́вниче Иоа́нне, о́тче наш.

Тропарь воскресный, глас 4.
Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость.

Богородичен, глас тойже.
Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша.

Кондак, глас тойже.
Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен.

Благовещение Пресвятой Богородицы. Тропарь, глас 4.
Днесь спасе́ния на́шего глави́зна,/ и е́же от ве́ка та́инства явле́ние,/ Сын Бо́жий, Сын Де́вы быва́ет,/ и Гаврии́л благода́ть благовеству́ет,/ те́мже и мы с ним Богоро́дице возопии́м:/ ра́дуйся, Благода́тная,/ Госпо́дь с Тобо́ю.

Кондак, глас 8.
Взбра́нной воево́де победи́тельная,/ я́ко изба́вльшеся от злых,/ благода́рственная воспису́ем Ти раби́ Твои́, Богоро́дице,/ но я́ко иму́щая держа́ву непобеди́мую,/ от вся́ких нас бед свободи́, да зове́м Ти:/ ра́дуйся, Неве́сто Неневе́стная.