Воскресенье 10 марта 2019 / 25 февраля 2019

Неделя об изгнании Адама из рая (сыропустная). Глас осмый.
Неделя сыропустная. Из трапезы исключается мясо

Свт. Тарасия, архиеп. Константинопольского (806). Сщмч. Александра пресвитера, прмц. Мстиславы (1938). Сщмч. Николая пресвитера (1945)

Чтения дня

Иоанна 20:11-18 (на утрене. Евангелие 8-e)
Римлянам 13:11-14:4
Матфея 6:14-21

Тропари

Кондак Недели сыропустной, глас 6.
Прему́дрости Наста́вниче, смы́сла Пода́телю,/  нему́дрых Наказа́телю и ни́щих Защи́тителю,/  утверди́, вразуми́ се́рдце мое́, Влады́ко:/  Ты даждь ми сло́во, Óтчее Сло́во,/  се бо устне́ мои́ не возбраню́,/  во е́же зва́ти Тебе́:  Ми́лостиве, поми́луй мя, па́дшаго.

Тропарь воскресный, глас 8.
С высоты́ снизше́л еси́, Благоутро́бне,/ погребе́ние прия́л еси́ тридне́вное,/ да нас свободи́ши страсте́й,/ Животе́ и воскресе́ние на́ше, Го́споди, сла́ва Тебе́.

Богородичен, глас тойже.
И́же нас ра́ди рожде́йся от Де́вы,/ и распя́тие претерпе́в, Благи́й,/ испрове́ргий сме́ртию сме́рть,/ и воскресе́ние явле́й я́ко Бог,/ не пре́зри, я́же созда́л е́си руко́ю Твое́ю;/ яви́ человеколю́бие Твое́, Ми́лостиве,/ приими́ ро́ждшую Тя Богоро́дицу моля́щуюся за ны;/ и спаси́, Спа́се наш, лю́ди отчая́нныя.

Кондак, глас тойже.
Воскре́с из гро́ба, уме́ршия воздви́гл еси́,/ и Ада́ма воскреси́л еси́,/ и Éва лику́ет во Твое́м Воскресе́нии,/ и мирсти́и концы́ торжеству́ют/ е́же из ме́ртвых воста́нием Твои́м, Многоми́лостиве.

Свт. Тарасия. Тропарь, глас 4.
Пра́вило ве́ры и о́браз кро́тости,/ воздержа́ния учи́теля,/ яви́ тя ста́ду твоему́,/ я́же веще́й и́стина,/ сего́ ра́ди стяжа́л еси́ смире́нием высо́кая,/ нището́ю бога́тая./ Óтче Тара́сие,/ моли́ Христа́ Бо́га/ спасти́ся душа́м на́шим.

Кондак, глас 3.
Правосла́вными догма́ты Це́рковь уясни́в,/ и Христо́ву, блаже́нне, честну́ю ико́ну почита́ти/ и покланя́тися всех научи́в,/ обличи́л еси́ иконобо́рцов безбо́жное веле́ние./ Сего́ ра́ди вопие́м ти:/ о о́тче, ра́дуйся, му́дре Тара́сие!