Воскресенье 04 декабря 2016 / 21 ноября 2016

Неделя 24-я по Пятидесятнице. Глас седьмый.
Рождественский пост. Разрешается рыба

Введение во храм Пресвятой Богородицы.
Прп. Коломбана, игумена Люкийюльского аббатства во Франции (615) (Кельт. и Брит.).
Новомчч. св. Александра Хотовицкого (1937) Нью-Йоркского и св. Алексия Бенеманского Тверского (1937).
Иконы Божией Матери, именуемой “Вечная Надежда”.

Чтения дня

Ефесянам 2:14-22
Луки 12:16-21
Луки 1:39-49, 56 (на утрене)
Евреям 9:1-7
Луки 10:38-42; 11:27-28

Тропарь воскресный, глас 7.
Разруши́л еси́ Кресто́м Твои́м сме́рть,/ отве́рзл еси́ разбо́йнику рай,/ мироно́сицам плач преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови/ ве́лию ми́лость.

Богородичен, глас тойже.
Я́ко на́шего воскресе́ния сокро́вище,/ на Тя наде́ющияся, Всепе́тая,/ от ро́ва и глубины́ прегреше́ний возведи́;/ Ты бо пови́нныя греху́ спасла́ еси́,/ ро́ждшая Спасе́ние на́ше;/ Я́же пре́жде рождества́ Де́ва, и в рождестве́ Де́ва,/ и по рождестве́ паки пребыва́еши Де́ва.

Кондак, глас тойже.
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связуе́м быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:/ изыди́те, ве́рнии, в воскре́сение.

Введение во храм Пресвятой Богородицы. Тропарь, глас 4.
Днесь благоволе́ния Бо́жия предображе́ние,/ и челове́ков спасе́ния пропове́дание,/ в хра́ме Бо́жии я́сно Де́ва явля́ется,/ и Христа́ всем предвозвеща́ет./ Той и мы велегла́сно возопии́м:/ ра́дуйся смотре́ния Зижди́телева исполне́ние.

Кондак, глас 4.
Пречи́стый Храм Спа́сов,/ многоце́нный Черто́г и Де́ва,/ свяще́нное сокро́вище сла́вы Бо́жия,/ днесь вво́дится в дом Госпо́день, благода́ть совводя́щи,/ Я́же в Ду́се Боже́ственном,/ Ю́же воспева́ют Áнгели Бо́жии:/ Сия́ есть селе́ние Небе́сное.