Воскресенье 14 августа 2016 / 1 августа 2016

Неделя 8-я по Пятидесятнице. Глас седьмый.
Успенский пост. Пища с растительным маслом

Начало Успенского поста .
Происхождение (изнесение ) честных древ Животворящего Креста Господня.
Празднество Всемилостивому Спасу и Пресвятой Богородице (1164).
Семи мучеников Маккавеев: Авима, Антонина, Гурия, Елеазара, Евсевона, Алима и Маркелла, матери их Соломонии и учителя их Елеазара (166 г. до Р.Х.).
Новосщмч. Василия, ериеп. Черниговского (1918).
Сщмч. Димитрия пресвитера (1937).
Обретение мощей прп. Софии Суздальской (1995).
Мчч. в Пергии Памфлийской: Леонтия, Аттия, Александра, Киндея, Минсифея, Кириака, Минеона, Катуна и Евклея (III).
Свт. Николая (Касаткина), архиеп. Японии (1912).
Мч. Мины, Менаиды и иных в Англии (Греч.).
Мц. Елессы Киферийской (Греч.).
Свт. Тимофея, архиеп. Приконисса Пелонесского (Греч.).
Мч. Папы нового (Греч.).
Мч. Илизара (Греч.).
Мч. Кирика (Греч.).
Мчч. Феодора и Полиевкта (Греч.).
Св. Ефелволда, еп. Винчестерского (984) (Кельт. и Брит.).
Мц. Сидвел Икситерской (или 7/31 или 8/2).

Чтения дня

Иоанна 20:11-18 (на утрене. Евангелие 8-e)
1 Коринфянам 1:10-18
Матфея 14:14-22
1 Коринфянам 1:18-24 (Кресту)
Иоанна 19:6-11, 13-20, 25-28, 30-35 (Кресту)
Евреям 11:33-12:2 (мученикам)
Матфея 10:32-36; 11:1 (мученикам)
Евреям 2:11-18 (на водоосвящении)
Иоанна 5:1-4 (на водоосвящении)

Тропарь воскресный, глас 7.
Разруши́л еси́ Кресто́м Твои́м сме́рть,/ отве́рзл еси́ разбо́йнику рай,/ мироно́сицам плач преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови/ ве́лию ми́лость.

Богородичен, глас тойже.
Я́ко на́шего воскресе́ния сокро́вище,/ на Тя наде́ющияся, Всепе́тая,/ от ро́ва и глубины́ прегреше́ний возведи́;/ Ты бо пови́нныя греху́ спасла́ еси́,/ ро́ждшая Спасе́ние на́ше;/ Я́же пре́жде рождества́ Де́ва, и в рождестве́ Де́ва,/ и по рождестве́ паки пребыва́еши Де́ва.

Кондак, глас тойже.
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связуе́м быва́ет ад,/ проро́цы согла́сно ра́дуются,/ предста́, глаго́люще, Спас су́щим в ве́ре:/ изыди́те, ве́рнии, в воскре́сение.

Семи мучеников Маккавеев. Тропарь, глас 1.
Боле́зньми святы́х, и́миже о Тебе́ пострада́ша,/ умоле́н бу́ди, Го́споди,/ и вся на́ша боле́зни исцели́,/ Человеколю́бче, мо́лимся.

Кондак святых, глас 2.
Прему́дрости Бо́жия столпи́ седмочи́сленнии/ и Боже́ственнаго Све́та свети́льницы седмосве́щнии,/ Маккаве́и всему́дрии,/ пре́жде му́чеников преве́лии му́ченицы,/ с ни́миже всех Бо́гу моли́теся/ спасти́ся почита́ющим вас.

Кондак Кресту, глас 4.
Вознесы́йся на Крест во́лею,/ тезоимени́тому Твоему́ но́вому жи́тельству/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на супоста́ты,/ посо́бие иму́щим Твое́ ору́жие ми́ра/ непобеди́мую побе́ду.

Таже настоящий тропари, глас 6.
Ны́не наста́ вре́мя, всех освяща́ющее,/ и пра́ведный нас ждет Судия́,/ но обрати́ся, душе́, к покая́нию,/ я́ко блудни́ца, зову́щи со слеза́ми:/ Го́споди, поми́луй мя.
Вода́ми одожди́вый, Христе́, исто́чник исцеле́ний,/ во всечестне́м хра́ме Де́вы днесь/ Твоего́ благослове́ния окропле́нием/ отгоне́ши неду́ги немощству́ющих,/ Врачу́ душ и теле́с на́ших.
Де́ва родила́ еси́ Неискусобра́чная/ и Де́ва пребыла́ еси́, Ма́ти Безневе́стная,/ Богоро́дице Мари́е,/ Христа́ Бо́га на́шего моли́ спасти́ся нам.
Пресвята́я Богоро́дице Де́во,/ рук на́ших дела́ испра́ви/ и проще́ние прегреше́ний на́ших испроси́,/ внегда́ пе́ти нам а́нгельское пе́ние:
Святы́й Бо́же,/ Святы́й Кре́пкий,/ Святы́й Безсме́ртный,/ поми́луй нас. Трижды.

И посем поют тропарь сей, глас 2.
Твои́х даро́в досто́йны нас сотвори́, Богоро́дице Де́во,/ презира́ющи согреше́ния на́ша/ и подаю́щи исцеле́ния/ ве́рою прие́млющим благослове́ние Твое́, Пречи́стая.

Всемилостивому Спасу. Тропарь, глас 8.
С Вы́шних призира́я, убо́гия прие́мля, / посети́ нас озло́бленныя грехи́, Влады́ко Всеми́лостиве: / моли́твами Богоро́дицы да́руй душа́м на́шим ве́лию ми́лость.

Ин тропарь, глас 4.
Свети́льниче со́лнечный, Всеми́лостивый Спа́се,/ просвеще́нием сия́ния Твоего́ пода́й и нам сло́во,/ да восхва́лим чи́стою со́вестию/ Твое́ пребоже́ственное пра́зднество,/ Тебе́ же, Единоро́днаго Сы́на,/ единосу́щна с Ду́хом, сла́вяще,/ да́руеши бо нам мир и ве́лию ми́лость.

Кондак, глас 4.
Вся́кия скве́рны, Всеми́лостивый Спа́се, аз бых де́латель,/ и во отча́яния ров впа́дся,/ но стеню́ от се́рдца, и вопию́ к Тебе́, Сло́ве,/ ускори́, Ще́дрый, и потщи́ся на по́мощь на́шу,/ я́ко Ми́лостив.