Понедельник 27 июня 2016 / 14 июня 2016

Седмица 2-я по Пятидесятнице. Глас осмый.
Петров пост. Монастырский устав: cухоядение (хлеб, овощи, фрукты)

Начало Петрова поста
Прор. Елисея (IX в. до Р.Х.).
Свт. Мефодия, патриарха Константинопольского (847).
Обретение мощей сщмч. Владимира, митр. Киевского (1992).
Сщмч. Иосифа пресвитера (1918).
Сщмчч. Николая, Александра, Павла пресвитеров и Николая диакона (1938).
Блгв. кн. Мстислава, во св. Крещении Георгия, Храброго, Новгородского (1180).
Прп. Мефодия, игумена Песношского (1392).
Прп. Елисея Сумского (XV-XVI).
Собор Дивеевских святых.
Прп. Нифонта Афонского.
Прп. Иулии (Иулитты) Тавеннийской, Египетской.
Свт. Иоанна, митр. Евхаитского.
Свт. Иосифа, еп. Солунского.
Св. Саввы Христа ради юродивого Афонского (1349).
Св. Догмаеля монаха Пемброкешского.
Св. Кирила Гортинского.

Чтения дня

Римлянам 2:28-3:18
Матфея 6:31-34; 7:9-11

Прор. Елисея. Тропарь, глас 4.
Во пло́ти Áнгел,/ проро́ков основа́ние,/ вторы́й Предте́ча прише́ствия Христо́ва, Илия́ сла́вный,/ свы́ше посла́вый Елиссе́еви благода́ть/ неду́ги отгоня́ти/ и прокаже́нныя очища́ти,/ те́мже и почита́ющим его́ то́чит исцеле́ния.

Ин тропарь, глас 4.
И́же во пло́ти Áнгел/ и проро́ков нача́льнику свиде́тельствова, сла́вный Елиссе́е,/ ди́вны чудеса́ соде́лал еси́, проро́че,/ поспе́шеством Свята́го Ду́ха;/ си́лою Илиино́ю исцели́в во́дное естество́,/ зве́ри же погуби́ пожира́ющия,/ и Неема́на очи́сти,/ и вдови́ча сы́на воскреси́л еси́,/ и всем чту́щим тя да́руй благода́ть и исцеле́ние.

Свт. Мефодия. Кондак, глас 2.
На земли́ подвиза́лся еси́, я́ко безпло́тный,/ и Небеса́ насле́довал еси́, Мефо́дие,/ я́ко изъясни́вый в конце́х ико́н поклоне́ние,/ в труде́х бо и боле́знех вя́щше пребы́в,/ не преста́л еси́ дерзнове́нием,/ облича́я отмета́ющияся ико́ны Христо́вы.

Кондак, глас 2.
Проро́к Бо́жий яви́лся еси́,/ сугу́бую благода́ть прие́мь,/ вои́стинну досто́йную тебе́, Елиссе́е блаже́нне:/ Илии́ бо был еси́ совсе́льник,/ с ни́мже Христу́ Бо́гу моли́ся непреста́нно о всех нас.

Блгв. кн. Мстислава. Тропарь, глас 4.
Измла́да яви́лся еси́, Богому́дре кня́же Мстисла́ве,/ Боже́ственный сосу́д, избра́н Бо́гови,/ благоче́стием воспита́н,/ ве́ру непоро́чну соблю́л еси́./ Те́мже предстоя́ Святе́й Тро́ице,/ моли́ся стране́ Росси́йстей сохране́нной бы́ти/ и всем нам спасти́ся.

Кондак, глас 8.
Многому́дренно пожи́в в княже́нии твое́м/ в вели́ком Но́ве гра́де сем,/ благове́рный кня́же Мстисла́ве,/ плод благи́й Бо́гови в жи́зни сей был еси́,/ присноцвету́щ доброде́тельми,/ того́ ра́ди получи́л еси́ жизнь ве́чную на Небесе́х,/ те́ло же твое́ нетле́нием просла́влено бысть на земли́./ Мы же, предстоя́ще ико́не твое́й, любо́вию вопие́м ти:/ ра́дуйся, утвержде́ние гра́ду на́шему.

Прп. Мефодия, игумена Песношского. Тропарь, глас 8.
Боже́ственною любо́вию от ю́ности распала́емь,/ вся, я́же в ми́ре кра́сная, возненави́дев,/ Христа́ Еди́наго возлюби́л еси́,/ и, сего́ ра́ди в пусты́ню всели́вся,/ в ней оби́тель сотвори́л еси́,/ и, собра́в и́нок мно́жество,/ прия́л еси́ от Бо́га чуде́с дар, о́тче Мефо́дие,/ и был еси́ о Христе́ собесе́дник и спо́стник преподо́бному Се́ргию,/ с ни́мже у Христа́ Бо́га испроси́ правосла́вным христиа́ном здра́вие, и спасе́ние,/ и душа́м на́шим ве́лию ми́лость.

Кондак, глас 4.
Послуша́ния до́брый рачи́тель быв,/ безпло́тныя враги́ сле́зными моли́твами твои́ми кре́пко посрами́л еси́/ и яви́лся еси́ Пресвяты́я Тро́ицы жили́ще,/ Ю́же зря, блаже́нне, я́сно,/ Богому́дре Мефо́дие преподо́бне,/ чуде́с дар от Нея́ прия́л еси́./ Те́мже исцеля́еши с ве́рою приходя́щих неду́ги,/ утоля́еши ско́рби/ и мо́лишися непреста́нно о всех нас.