Воскресенье 26 июня 2016 / 13 июня 2016

Неделя 1-я по Пятидесятнице. Всех святых. Глас осмый.
Заговенье на Петров пост (мясопуст).

Икон Божией Матери: "Умягчение злых сердец" ("Семистрельная") и "Нерушимая Стена" (переходящие празднования в Неделю Всех святых ).
Мц. Акилины (293).
Свт. Трифиллия, еп. Левкусии Кипрской (ок. 370).
Св. Александры, основательниы Дивеевского конвента (1789).
Сщмч. Александра пресвитера (1918).
Сщмч. Димитрия пресвитера (1940).
Прмц. Пелагии (1944).
Прпп. Андроника (ок. 1395), ученика прп. Сергия Радонежского и Саввы (XV), игуменов Московских.
Мц. Антонины (284-305).
Прпп. Анны (826) и сына ее Иоанна (IX).
Свт. Антипатра, еп. Бостры Аравийской.
Обрет. мощей новомч. Николая, диакона Лесбосского (Греч.).
Свт. Евлогия, патр. Антиохийского (Греч.).
Мч. Диодора Емесского, распятого (Греч.).
Св. Антима Иверского, митр. Влахии (1716) (Груз.).

Чтения дня

Матфея 28:16-20 (на утрене. Евангелие 1-e)
Евреям 11:33-12:2
Матфея 10:32-33, 37-38; 19:27-30

Всем святым. Тропарь воскресный, глас 8.
С высоты́ снизше́л еси́, Благоутро́бне, / погребе́ние прия́л еси́ тридне́вное, / да нас свободи́ши страсте́й, / Животе́ и воскресе́ние на́ше. Го́споди, сла́ва Тебе́.

И всем святым тропарь, глас 4.
И́же во всем ми́ре му́ченик Твои́х, / я́ко багряни́цею и ви́ссом, / кровьми́ Це́рковь Твоя́ украси́вшися, / те́ми вопие́т Ти, Христе́ Бо́же: / лю́дем Твои́м щедро́ты Твоя́ низпосли́, / мир жи́тельству Твоему́ да́руй, / и душа́м на́шим ве́лию ми́лость.

Кондак, глас 8.
Я́ко нача́тки естества́, Насади́телю тва́ри, / вселе́нная прино́сит Ти, Го́споди, богоно́сныя му́ченики, / тех моли́твами в ми́ре глубо́це / Це́рковь Твою́, жи́тельство Твое́, Богоро́дицею соблюди́, Многоми́лостиве.

Тропарь воскресный, глас 8.
С высоты́ снизше́л еси́, Благоутро́бне,/ погребе́ние прия́л еси́ тридне́вное,/ да нас свободи́ши страсте́й,/ Животе́ и воскресе́ние на́ше, Го́споди, сла́ва Тебе́.

Богородичен, глас тойже.
И́же нас ра́ди рожде́йся от Де́вы,/ и распя́тие претерпе́в, Благи́й,/ испрове́ргий сме́ртию сме́рть,/ и воскресе́ние явле́й я́ко Бог,/ не пре́зри, я́же созда́л е́си руко́ю Твое́ю;/ яви́ человеколю́бие Твое́, Ми́лостиве,/ приими́ ро́ждшую Тя Богоро́дицу моля́щуюся за ны;/ и спаси́, Спа́се наш, лю́ди отчая́нныя.

Кондак, глас тойже.
Воскре́с из гро́ба, уме́ршия воздви́гл еси́,/ и Ада́ма воскреси́л еси́,/ и Éва лику́ет во Твое́м Воскресе́нии,/ и мирсти́и концы́ торжеству́ют/ е́же из ме́ртвых воста́нием Твои́м, Многоми́лостиве.

Мц. Акилины. Тропарь, глас 4.
Áгница Твоя́, Иису́се, Акили́на/ зове́т ве́лиим гла́сом:/ Тебе́, Женише́ мой, люблю́/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю;/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,/ я́ко Ми́лостив, спаси́ ду́ши на́ша.

Тропарь святителя Трифиллия, глас тойже.
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Трифи́ллие,/ моли́ Христа́ Бо́га/ спасти́ся душа́м на́шим.

Кондак святителя Трифиллия, глас 8.
Изря́дством жити́я чистоту́ де́вства прие́м, Трифи́ллие,/ первопресто́льник показа́лся еси́ Левкуси́и/ и яви́лся еси́ тем провозвести́тель и Богоразу́мия наста́вник./ Сего́ ра́ди ра́достно взыва́ем ти:/ ра́дуйся, святи́телей украше́ние.

Кондак, глас 2.
Де́вства твоего́ добро́тами предочи́стивши ду́шу твою́,/ на высоту́ муче́нием востекла́ еси́ Акили́но всечестна́я,/ любо́вию Жениха́ твоего́ Христа́ уязви́вшися,/ Ему́же со Áнгелы предстои́ши, веселя́щися,/ с ни́миже не преста́й моля́ся всех нас.

Андроника, Саввы и Александра Московских, Даниила Черного, Андрея Рублева. Тропарь, глас 2.
Плоды́ доброде́телей на земли́ прине́сше,/ преподо́бнии отцы́,/ в Небе́сных черто́зех ны́не благоуха́ете, я́ко ра́йстии цве́ти,/ и лице́м к лицу́ зри́те Пресвяту́ю Тро́ицу,/ Ю́же дерзнове́нно моли́те/ спасти́ся душа́м на́шим.

Ин тропарь, глас 2.
От ю́ности своея́, преподо́бнии отцы́ Андрони́че и Са́вво, / в пусты́ни всели́стеся Се́ргия вели́каго,/ того́ житию́ после́дующе,/ плоды́ смире́ния и послуша́ния возрасти́ли есте́,/ сего́ ра́ди сподо́бившеся бы́ти строи́тели и первонача́льники/ обе́тныя оби́тели святи́теля Алекси́я,/ с ни́мже испроси́те у Христа́ Бо́га ве́рным лю́дем здра́вие и спасе́ние/ и душа́м на́шим ве́лию ми́лость.

Ин тропарь, глас 1.
Безмо́лвие от ю́ности возлюби́в,/ на го́ру Ма́ковец прише́л еси́, Андрони́че блаже́нне,/ оби́тель о́бщаго жития́ устро́ил еси́ в земне́м гра́де Москве́,/ во оби́тели Небе́снаго гра́да ны́не ликовству́еши,/ моли́ся Христу́ Бо́гу/ спасти́ся душа́м на́шим.

Кондак, глас 3.
Вас мо́лим, преподо́бнии отцы́ на́ши,/ те́лом почива́ющия на земли́,/ ду́хом же Бо́жию престо́лу предстоя́щия:/ моли́теся о гра́де Москве́/ и о всех, почита́ющих честну́ю па́мять ва́шу.