Воскресенье 17 января 2016 / 4 января 2016

Неделя 33-я по Пятидесятнице. Глас осмый.
Святки. Пост отменяется

Неделя пред Богоявлением.
Предпразднство Богоявления.
Собор 70-ти апостолов: Иакова, брата Господня, Марка и Луки евангелистов, Клеопы, Симеона, Варнавы, Иосии (Иуста), Фаддея, Анании, архидиак. первомч. Стефана, Филиппа, Прохора, Никанора, Тимона, Пармена, Тимофея, Тита, Филимона, Онисима, Епафраса, Архиппа, Силы, Силуана, Крискента, Криспа, Епенета, Андроника, Стахия, Амплия, Урвана, Наркисса, Апеллия, Аристовула, Родиона (Иродиона), Агава, Руфа, Асинкрита, Флегонта, Ерма, Патрова, Ермия, Лина, Гаия, Филолога, Лукия, Иасона, Сосипатра, Олимпа (Олимпана), Тертия, Ераста, Куарта, Евода, Онисифора, Климента, Сосфена, Аполлоса, Тихика, Епафродита, Карпа, Кодрата, Марка, Зины, Аристарха, Пуда, Трофима, Марка, Артемы, Акилы, Фортуната и Ахаика, Дионисия Ареопагита и Симеона Нигера.
Прп. Феоктиста, игумена Кукума Сикелийского (800).
Свт. Евстафия I, архиеп. Сербского (ок. 1285).
Сщмчч. Александра, Стефана и Филиппа пресвитеров (1933).
Сщмч. Николая пресвитера (1939).
Сщмч. Павла пресвитера (1941).
Прп. Ахилы, диак. Печерского, в Дальних пещерах (XIV).
Прмч. Зосимы и мч. Афанасия (III-IV).
Мчч. Хрисанфа и Евфимии.
Прп. Евфимия Нового, монаха.
Св. Григория Лангрского (Галл.).
Прпмч. Евфимия, игумена Ватопедского м-ря, и с ним 12 монахов (Греч.).
Новомч. Онуфрия Афонского (Греч.).
Ефиопского евнуха царицы Кандакии.
Преп. Евагрия (сподвижника Шио Мгвимского), Илии-дьякона и других (VI) (Груз.).
Св. Симеона, митр. Смоленского (1699).

Чтения дня

Иоанна 21:15-25 (на утрене. Евангелие 11-e)
2 Тимофею 4:5-8 (недели пред Богоявлением)
Марка 1:1-8 (недели пред Богоявлением)
Римлянам 8:8-14 (апостолам)
Луки 10:1-15 (апостолам)

Тропарь воскресный, глас 8.
С высоты́ снизше́л еси́, Благоутро́бне,/ погребе́ние прия́л еси́ тридне́вное,/ да нас свободи́ши страсте́й,/ Животе́ и воскресе́ние на́ше, Го́споди, сла́ва Тебе́.

Богородичен, глас тойже.
И́же нас ра́ди рожде́йся от Де́вы,/ и распя́тие претерпе́в, Благи́й,/ испрове́ргий сме́ртию сме́рть,/ и воскресе́ние явле́й я́ко Бог,/ не пре́зри, я́же созда́л е́си руко́ю Твое́ю;/ яви́ человеколю́бие Твое́, Ми́лостиве,/ приими́ ро́ждшую Тя Богоро́дицу моля́щуюся за ны;/ и спаси́, Спа́се наш, лю́ди отчая́нныя.

Кондак, глас тойже.
Воскре́с из гро́ба, уме́ршия воздви́гл еси́,/ и Ада́ма воскреси́л еси́,/ и Éва лику́ет во Твое́м Воскресе́нии,/ и мирсти́и концы́ торжеству́ют/ е́же из ме́ртвых воста́нием Твои́м, Многоми́лостиве.

Собор 70-ти апостолов. Тропарь, глас 3.
Апо́столи святи́и,/ моли́те Ми́лостиваго Бо́га,/ да прегреше́ний оставле́ние/ пода́ст душа́м на́шим.

Ин кондак апостолом, глас 1.
Зве́зды све́тлыя, я́ко двунадеся́тем спосо́бницы,/ Христо́с вас яви́, прему́дрии,/ озаря́ющия мир све́том про́поведи/ и в ве́ру приве́дшия мно́жество безчи́сленно язы́к, апо́столи Боже́ственнии./ Сего́ ра́ди днесь восхваля́ем ве́рою ва́шу па́мять,/ моли́те спасти́ся душа́м на́шим.

Кондак апостолов, глас 2.
Христо́вых ученико́в лик се́дмьдесят/ Боже́ственно, ве́рнии, в пе́снех восхва́лим,/ те́ми бо вси навыко́хом Тро́ицу почита́ти Неразде́льную,/ и пребыва́ют свети́льницы Боже́ственныя ве́ры.

Предпразднство Богоявления. Тропарь, глас 4.
Гото́вися, Завуло́не,/ и красу́йся, Неффали́ме,/ Иорда́не реко́, ста́ни,/ подыми́, взыгра́я, крести́тися гряду́ща Влады́ку./ Весели́ся, Ада́ме с прама́терию,/ не кры́йта себе́, я́коже в раи́ пре́жде,/ и́бо, на́ги ви́дев вы, яви́ся,/ да облече́т в пе́рвую оде́жду:/ Христо́с яви́ся, всю тварь хотя́ обнови́ти.

Кондак предпразднства, глас 4.
Во струя́х днесь Иорда́нских быв Госпо́дь,/ Иоа́нну вопие́т:/ не убо́йся крести́ти Мя:/ спасти́ бо приидо́х/ Ада́ма первозда́ннаго.

Кондак преподобнаго Феоктиста, игумена Кукума Сикелийского, глас 3.
Я́ко Áнгел во пло́ти на земли́ показа́ся,/ поще́нием насажде́н бысть, о́тче преподо́бне Феокти́сте,/ наста́вник и́ноком мно́гим быв,/ сего́ ра́ди вопие́м ти:/ моли́ Христа́ Бо́га дарова́ти нам ве́лию ми́лость.

Свт. Евстафия I, архиеп. Сербского. Тропарь, глас 4.
И́збран от Бо́га, возлю́блен от люде́й, архиере́ов Боже́ственная красото́,/ о́тче Евста́фие, Áнгелов сослужи́телю,/ та́ин же Боже́ственных пропове́датель был еси́,/ те́мже моли́ Христа́ Б́ога со все́ми святы́ми/ изба́витися от вся́ких зол/ моли́твами твои́ми, блаже́нне,/ и спасти́ся нам,/ чту́щим любо́вию святу́ю па́мять твою́.

Кондак, глас 6.
Свы́ше благода́ть прие́м от Бо́га,/ во святи́тельское подо́бие обле́клся еси́/ и от уст твои́х благоче́стно всех научи́л еси́ покланя́тися Тро́ице Единосу́щней./ Те́мже па́мять твою́ чту́ще,/ прославля́ем Бо́га, просла́вльшаго тя.

Прп. Ахилы, диак. Печерского, в Дальних пещерах. Тропарь, глас 8.
По́стническое житие́ облобыза́в/ и мно́гими труды́ от млады́х ногте́й себе́ обложи́в,/ на степе́нь диа́конства произведе́н быв, всече́стне,/ в ко́ем служи́л еси́ в це́ркви Бо́жия Ма́тере непоро́чне,/ Éйже моли́ся,/ во е́же спасти́ся душа́м на́шим.

Кондак, глас 2.
Ве́лие име́л еси́ воии́стинну воздержа́ние, сла́вне,/ и мно́гое показа́л еси́ поще́ние, о Ахи́ло,/ зане́ едва́ еди́ною в седми́цы,/ и се еди́ну ма́лу просфору́ снеда́ше/ и бде́нным стоя́нием к Нему́ вы́ну друча́шеся,/ тем тя, я́ко по́стника и преподо́бным соо́бщника/ чту́ще, ублажа́ем.